Меѓународниот ден на планината се слави секоја година на 11 декември за да се создаде свест за важноста на планините за животот, да се истакнат можностите и ограничувањата во развојот на планините и да се изградат сојузи кои ќе донесат позитивни промени за планинските народи и средини низ целиот свет.

Генералното собрание на ОН ја прогласи 2002 година за Меѓународна година на планините на ОН, а по тој повод, 11 декември, од 2003 година наваму, го прогласи за Меѓународен ден на планината. Организацијата за храна и земјоделство на ОН (ФАО) ја координира годишната прослава на Денот за да поттикне поголема свест за планинските прашања.